PLAYBALL

Last Dec. 16 nagkayayaan kaming magkakaibigan na uminom, as in inuman session. Hindi ko alam pero parang nahahayok ako sa alak kaya sinabe kong sasama ako. To think that we just had a drink last Dec.11. Naniniwala ako na there are reasons sa bawat actions/decisions ng isang tao. Bakit nga ba ako nagpakalango sa alak?

Noong una, parang trip-trip lang kung bakit ako iinom -- for no particular reason at all. Ewan ko ba at parang tinamaan ako ng magaling nang may mag-text sakin. Si "C". Hindi ko sya pwedeng pangalanan, baka lumaki ulo nya.

Sino ba si C?

Nagkakilala kami through facebook. Sa kwento nya, nakita nya yung nameplate ko. Hindi yung nameplate na tulad ng sa mga nasa prep at elementary ahh. Yung nameplate na tigpi-fifty pesos, na kailangang laging nakadikit sa uniform. I accepted his friend request kasi may common friend kami, si "M". Hindi ko na rin sya papangalanan kasi wala naman siguro syang kamalay-malay sa mga pangyayari. Back to C, naging constant ka-usap ko sya (through FB message at chat). We exchanged numbers, at yun na ang umpisa ng lahat.

Hindi ko alam kung sadyang sweet lang ako sa text o parang nilalandi ko na sya. Ewan ko. Basta isa lang ang malinaw, binigyan nya ng kulay ang mga pinagsasabe ko sa kanya. Hindi nagtagal dumating ang pagkakataon na nagsabay kame sa pagpasok ng PUP (nga pala sa PUP din sya nag-aaral, graduating, HRM yung course nya at 25 na sya). At di na yun nasundan dahil sa isang text message.

C: Lei, I Love You.
Me: The feeling is mutual, i love myself too.
C: haha! Joke lang yun ah.
Me: Oh cge na, may klase na ako. Bye.

Kinagabihan.

C: Lei, sabay tayo bukas.
Me: wala kaming pasok bukas.
C: eh sa Friday?
Me: di ako papasok sa Friday. Maglalakad kami ng seminar.
C: ahh, ganun ba? Cge, di na aq magtetext sayo. Di mo na rin ako makikita uli.

Nagulumihanan talaga ako sa mga sinabe --or tinext nya. Ewan ko ba, parang gusto ko na rin kasi sya. He's qualified. Though hindi sya kasi gwapo ng HUGE CRUSH ko. He's ok.

Totoo naman na mag-aaayos kami ng seminar namen, i'm not making excuses. Pero nagtaka lang ako kung baket ganun ang reaction nya. Ganoon ba talaga ang mga lalaki? At that time, I really don't have any idea what the hell is wrong.

I tried texting him kung kamusta na sya, ang sagot nya parati ay "Ok lang."

Nakakahiya mang aminin pero i did like him. Na-fall yata ako sa kanya. I did assume that he'll be the one i'll be with for an idefinite period of time. Ewan ko ba sa sarili ko kung bakit ko sya tinulak paalis sakin. Ako na nga siguro ang may problema.

Nasaktan talaga ako sa ginawa nya. He suddenly left me hanging. Siguro kung konting tyaga pa nya, kami na ang magkasama ngayon.

Hindi lang pala puso ang nasasaktan, even ang Ego. At dahil siguro sa ego na to ay naitulak ko na naman sya palayo sakin. Nagtext kasi sya sakin a month ago. Nangungumusta. At dahil nasugatan ang pride ko, ibinalik ko sa kanya ang way ng pagtetext nya sakin. Laging, "ok." "ok lang." "k." ang reply ko sa kanya. Nainis siguro, di na ko nireplyan uli.

But what surprised me was a text message from him lthe night of Dec.16.

From the tone of his text messages, parang normal parin kaming magkaibigan. As if nothing happened. As if he did not hurt me, my heart and my ego.

He was asking me on a date.
May Lantern Festival kasi sa UP. Gusto nya akong isama, nasabi ko kasi dati sa kanya na gusto kong pumunta sa UP. Wala lang, trip lang. I was as cold as ever, pero sa mga text nya, i can feel the warm vibes. Parang wala na talaga sa kanya ang nangyari. Habang ako ay nagpapaka-ampalaya.

Inis na inis ako sa kanya.
Bakit ang bilis nyang magbago?
Bakit parang wala lang nangyari?
Bakit sya ganun?

BAKIT PINAPAASA NA NAMAN NYA AKO?

At dahil sa mga tanong na ito, sinubukan kong kumonsulta sa espiritu ng alak - COLT 45 (wala kasing Hard sa Playball).

Alam ko naman na hindi ako sasagutin ng alak. Na wala naman talaga itong maidudulot na maganda sakin. Pero hinahanap ko kasi yung pakiramdam na nagmamanhid ang lahat ng parte ng katawan mo. Yung tipong, hindi mo na mararamdaman ang anu mang sakit -- kahit panandalian lang.